Zer dira Gizarte Segurantzarekin Elkarlanean diharduten Mutualitateak?

Inklusio, Gizarte Segurantza eta Migrazio Ministerioaren baimenarekin eratutako enpresaburuen elkarte pribatuak dira, eta Gizarte Segurantzaren kudeaketan laguntzea dute helburu, haren zuzendaritzapean eta tutoretzapean, irabazi-asmorik gabe eta beren bazkideen erantzukizun mankomunatua beren gain hartuta.

Honako jarduera hauek garatzea dute helburu:

• Gizarte Segurantzaren laneko istripuen eta lanbide-gaixotasunen kontingentzien babesean sartzen diren prestazio ekonomikoak eta osasun-laguntza kudeatzea, errehabilitazioa barne, bai eta babes-ekintzak ematen dituen kontingentzia berberen prebentzio-jarduerak ere.
• Gertakizun arruntek eragindako aldi baterako ezintasunagatiko prestazio ekonomikoa kudeatzea.
• Haurdunaldiko eta edoskitzaro naturaleko arriskuengatiko prestazioak kudeatzea.
• Norberaren konturako langileek jarduera amaitzeagatiko prestazio ekonomikoak kudeatzea.
• Minbizia edo beste gaixotasun larriren bat duten adingabeak zaintzeagatiko prestazioa kudeatzea.
• Legez esleitzen zaizkion Gizarte Segurantzaren gainerako jarduerak.

Estatuko izaera administratiboko sektore publikoaren parte dira, haien eginkizunen eta kudeatzen dituzten baliabide ekonomikoen izaera publikoaren arabera, erakundearen izaera pribatuari kalterik egin gabe.

Ikus Gizarte Segurantzaren Lege Orokorraren testu bateginaren 80. artikulua.