Mutualistaren defendatzailea

Zerbitzuaren kalitatea hobetzeko xedez, Mutualistaren defendatzailea izeneko eginkizuna esleitu zuen Fraternidad-Muprespak 2011. urtearen hasieran. Honako hauek dira Mutualistaren defendatzailearen funtzioak: Bezeroek izan ditzaketen kexa edo erreklamazioez arduratzea; haiek kudeatu eta erantzutea.

Inpartziala da alderdien artean eta modu independentean jarduten du. Erabat autonomoa da bere eginkizunetan zein irizpide eta jarraibide aplikatu behar dituen erabakitzeko orduan.

Horrez gain, mutualistaren defendatzaileak gomendioak eta arreta hobetzeko proposamenak egiten dizkie kudeaketaz arduratzen diren unitateei.

Ildo horretan, Fraternidad-Muprespak aurrerapauso bat eman du, batetik, Kexak eta Erreklamazioak Kudeatzeko Politika hau eta, bestetik, Bezeroen Gogobetetasunaren Kudeaketa Sistema bat ezarriz, UNE-ISO 10002:2015 Araua oinarri, kexa eta erreklamazioen kudeaketaren hobekuntza bermatzeko.

Mutualistaren defendatzailearen bulegoarekin harremanetan jartzeko, hainbat modu daude bezeroen eskura. Gogoan izan, izapidea azkarrago burutzeko, oso garrantzitsua dela honako datu hauek eskaintzea: Izen-abizenak, NAN zenbakia, enpresaren izen soziala eta IFK, harremanetarako telefono zenbakia eta helbide elektronikoa.