Que son as Mutuas Colaboradoras coa Seguridade Social?

Son asociacións privadas de empresarios constituídas mediante autorización do Ministerio de Inclusión, Seguridade Social e Migracións, que teñen por finalidade colaborar na xestión da Seguridade Social, baixo a dirección e tutela deste, sen ánimo de lucro e asumindo os seus asociados responsabilidade mancomunada.

Teñen por obxecto o desenvolvemento das seguintes actividades:

• A xestión das prestacións económicas e da asistencia sanitaria, incluída a rehabilitación, comprendidas na protección das continxencias de accidentes de traballo e enfermidades profesionais da Seguridade Social, así como das actividades de prevención das mesmas continxencias que dispensa a acción protectora.
• A xestión da prestación económica por incapacidade temporal derivada das continxencias comúns.
• A xestión das prestacións por risco durante o embarazo e risco durante a lactación natural.
• A xestión das prestacións económicas por cesamento na actividade dos traballadores por conta propia.
• A xestión da prestación por coidado de menores afectados por cancro ou outra enfermidade grave.
• As demais actividades da Seguridade Social que lle sexan atribuídas legalmente.

Forman parte do sector público estatal de carácter administrativo, de conformidade coa natureza pública das súas funcións e dos recursos económicos que xestiona, sen prexuízo da natureza privada da entidade.

Ver Art. 80 do texto refundido da Lei xeral da Seguridade Social.