Laneko segurtasunaren eta osasunaren politika
Joan den 2024ko azaroaren 13an, Fraternidad-Muprespa Mutualitateko Zuzendari Kudeatzaileak Laneko Segurtasun eta Osasun Politikaren bertsio berria onartu eta sinatu zuen.
Puntu hauek jasotzen ditu:
Fraternidad-Muprespa Mutualitateko Zuzendaritzak Lan-arriskuen Prebentzioan jarduteko politika hau zehaztu eta baimendu du, eta erakundearen jarduera guztietan aplikatuko da.
Pertsonak dira oinarrizko eta funtsezko elementuak gure erakundean. Enpresaren betebeharra da pertsonen osasuna eta ongizatea bermatzea, prebentziorako mekanismoak eratuz, eta ahalegin guztiak egin beharko ditu laneko arriskuen aurrean politikarik eraginkorrenak garatzeko.
Zuzendaritzak bere gain hartzen du osasunerako kaltegarria den guztia saihesteko konpromisoa. Eta horretarako, gure jardueretan izandako lan-arriskuak ahalik eta gehien eliminatzeko edo gutxitzeko beharrezko neurriak hartuko dira, betiere, Fraternidad-Muprespako langileen arteko banakako desberdintasunak aintzat hartuta.
Konpromisoa hartzen dugu LAPi dagokionez aplikatu beharreko lege-baldintza guztiak betetze aldera lan egiteko; langileen osasuna eta ongizatea are gehiago sustatzen laguntzen duten ekintzak borondatez egiteko, hainbat kanpainen bitartez (segurtasuna eta osasuna; prestakuntza; onura sozialak, lanekoak, etnikoak eta ingurumenari lotutakoak); edo gai horri dagokionez erakundeak gehitzen dituen bestelako baldintzak betetzeaz arduratzeko, hala nola, pertsona desgaituak gizarteratzeko.
LAParen Kudeaketa Sisteman gure langileek aktiboki parte har dezakete, eta langileen legezko ordezkariek ere parte har dezakete, haien hobekuntza-iradokizunak sartzeko, eta, hala, etengabeko hobekuntza sustatzeko. Etengabe hobetzeko dugun konpromisoa dela eta, LAPen kudeaketa sistema eta osasunari eta ongizateari lotutako jarduera eraginkorragoak lortzeko ahaleginak egiten ditugu
Gure LAPen kudeaketa sistemaren esparruan, prebentzio-bikaintasuna eta enpresa bikaintasun osasuntsua sustatzen ditugu prebentziorako helburuak ezarriz, kuantitatiboak ahal den neurrian, lan-arriskuen ebaluazio sistematiko eta aldizkakoan antzeman diren hobetzeko alderdiei dagokienez.
Gure langile guztiak LAPen inguruan duten betebeharraz sentsibilizatuta eta kontzientziatuta mantentzen saiatzen gara, eta baliabideak zuzentzen ditugu enpresan osasuna eta ongizatea sustatzeko politika modu eraginkorrean ezartzen dela egiaztatzeko
LAPren politika nahiz Prebentzio Plana gure erakundean zabalduko ditugula bermatzen dugu, korporazioko intranetean argitaratuz. Eta LAPren politika korporazioaren webgunean argitaratu eta interesdunen eskura jarriko dugula ere bermatzen dugu. Horrez gain, Fraternidad-Muprespa Mutualitateak Enpresa Bikaintasun osasuntsuaren alde duen konpromisoarekin bat egingo dute, besteak beste, alderdi interesdunek, enpresa laguntzaileek eta kontratistek, Konpainiak ingurumenaren eta gizartearen arloan ezarri duen helburua erdietsi dezan.
Aldizka inplementatu eta berrikusiko dugu LAPren politika, lan arriskuen natura eta garrantzia kontuan izanik egokia izaten jarraitzen duela ziurtatzeko.
LAP politika honek aurrekoak baliogabetzen ditu. Fraternidad-Muprespako zuzendari kudeatzaileak sinatzen duenean sartuko da indarrean.
Fraternidad-Muprespa mutualitateak ezarritako Laneko Segurtasun eta Osasunerako Politika UNE-EN-ISO 45001:2018 arauan oinarritzen da.
Guztion parte-hartzearekin, bai Enpresako Zuzendaritzarenarekin bai gainontzeko langileenarekin, modu eraginkorragoan txertatuko da Mutualitatean lan-arriskuen prebentzioa.