FMren Berdintasun Plana
2010eko abenduaren 22an, Fraternidad-Muprespak Berdintasun Plana sinatu zuen, 2011-2013 aldirako emakume eta gizonen arteko berdintasunerako jarduera-esparrua eratzen duena.
Genero berdintasunari loturiko helburuak lortzeko, estrategia hauek proposatzen ditu planak:
- Aukera berdintasuna: Zuzenean eta berariaz, baita ekintza positiboaren bidez ere, berdintasun printzipioa bermatzeko egon daitezkeen oztopoak ezabatzen lagun dezaketen neurriak ezartzean datza.
- Zeharkakotasuna: Entitatearen edozein politika diseinatu eta gauzatzerakoan genero ikuspegia barne hartzean eta erakunde osoak parte hartzean datza.
- Ahalduntzea: Emakumeek enpresaren barruan autonomia izatea eta bertan duten posizioa indartzea sustatzen duten neurriak hartzean datza.
Egoera eta 3/2007 Legean adierazitako gaiak aztertu ondoren ateratako ondorioak ikusita, hobekuntza arlo hauek lehenetsi dira:
- Lanerako sarbidea: hautaketa-kontratazioa
- Lanbide sailkapen sistema eta soldata politikari dagokion sistema
- Lanbide garapena eta sustapena
- Bateratzea eta erantzukidetasuna
- Laneko jazarpenaren eta genero indarkeriaren prebentzioa
- Prestakuntza ekintzak
- Berdintasunaren inguruko sentsibilizazioa