XX. MENDEKO LAN-ARRISKUEN PREBENTZIOARI BURUZKO HORMA-IRUDIEN ERAKUSKETA. FUERTEVENTURAKO AIREPORTUA

Joan den azaroaren 2an, Gizarte Segurantzako Mutualitate Laguntzaile Fraternidad-Muprespak XX. mendeko lan-arriskuen prebentzioari buruzko horma-irudien erakusketa ibiltaria inauguratu zuen Fuerteventurako Aireportuan, laneko segurtasunaren, prebentzioaren eta osasunaren ildoan.

Erakusketa Lanzaroteko aireportuaren uharte arteko terminaleko (T2) erakusketa-aretoan ere egon zen ikusgai irailean.

Hautatutako 50 horma-irudiek VECA & MUGO bilduma osatzen dute, 1992an Carlos Velascok abian jarritakoa; gaur egun, 7000 horma-irudi inguru ditu bildumak.

Inaugurazioan izan ziren AENAko zuzendari Luis López Chapí, bai eta Lanzaroteko ordezkaritzako zuzendari Pedro Figueras eta Las Palmas probintziako zuzendari Carlos Macho Mishal ere, biak Fraternidad-Muprespakoak.

Horma-irudiak azaroaren 23ra arte egongo dira ikusgai, eta aireportu honetatik igaroko diren 300.000 bat bidaiarik bisitatuko omen dituzte.

Ondoren, bere izaera ibiltariari eutsiz, Kanaria Handiko aireportura mugituko da erakusketa.