Egiaztatutako karbono-aztarna, GHG Protocol
Fraternidad-Muprespa mutualitatean, erakundearen konpromiso estrategikoari eta sozialari erantzunez eta erantzukizun sozialeko eta jasangarritasuneko tresna den aldetik, klima-aldaketarekin lotutako arriskuak ebaluatzea erabaki da; are gehiago, bere karbono-aztarna egiaztatu nahi izan da, bere jarduerak ingurumenean duen eragina ezagutzeko.
Eta zer da karbono-aztarna? Jarduera baten ondorioz atmosferara isurtzen diren berotegi-efektuko gasen emisioen kantitate osoa neurtzen du karbono-aztarnak.
Hau da, gure jardueraren eragina borondatez neurtzen dugu, berariazko irizpide batzuen arabera, horretaz jabetzeko, garden izateko eta hori murrizteko neurriak hartzeko.
Egiaztapenak mutualitatearen jarduerak biltzen ditu, eta hiru irismen ezartzen ditu:
- 1. irismena: Berotegi-efektuko gasen zuzeneko emisioak.
- 2. irismena: Berotegi-efektuko gasen zeharkako emisioak, energiaren ondoriozkoak
- 3. irismena: Berotegi-efektuko gasen zeharkako beste emisio batzuk
Gainera, gure ingurumen-konpromisoaren zati gisa, karbono-aztarnaren egiaztapena egin dugu Trantsizio Ekologikorako eta Erronka Demografikorako Ministerioaren karbono-aztarnaren erregistroan eta karbono dioxidoa xurgatzeko konpentsazioan eta proiektuetan.
Erregistratu ahal izateko, beharrezkoa da emisioak murrizteko plana izatea. 2016. urteaz geroztik hainbat zigilu lortu ditugularik, 2020. urtea nabarmengarri da, urte horretan osorik eman baitziguten (kalkulua + murrizketa + konpentsazioa).
