FRATERNIDAD-MUPRESPAK BIZKAR-TAILERRA ANTOLATU ZUEN ALACANTEN

Pasa den martxoaren 3an, Gizarte Segurantzako Mutualitate Laguntzailea den Alacanteko Fraternidad-Muprespak “Bizkarraren eskola” izeneko tailerra antolatu zuen INAER enpresak lagatako instalazioetan, Mutualitateko langile afiliatuei zuzendutakoa.

Víctor José Saz Sánchez jaunak, Fraternidad-Mupresparen Alacanteko zuzendari probintzialak, eman zion hasiera jardunaldiari; azaldutako guztiei etorri izana eskertu eta gero, tailerra aurkeztu zuen.

Jarraian, INAEReko Lan-arriskuen Prebentzioko arduraduna den Ignacio Álvarez Rodríguez jaunak hitza hartu eta tailer hauen garrantzia nabarmendu zuen.

José Vicente Sastre Pinto jaunak, Alacanteko Zuzendaritza Probintzialeko fisioterapeutak, alde teorikoa zein alde praktikoa zituen bizkar-tailerra eman zuen. Jarrera-ohitura osasungarriak lortzea, arazoak nahiz lesioak ekiditea, mugimendu errepikakorrak, ahaleginak edo jarrera txarrak zuzentzea eta bizkarrezurra indartzea helburu duten hainbat ariketa azaldu zituen, horiek baitira, hain zuzen, bizkarreko lesioak agertzeko arrisku faktore nagusiak.

Fraternidad-Muprespak prestakuntzaren, gardentasunaren eta beste erakundeekin batera lan egitearen alde egiten du.