Levamos a prevención ao colexio Calasancio Divina Pastora de Almazán (Soria)

Coincidindo co 28 de abril, Día Mundial da Seguridade e Saúde no Traballo, Fraternidad-Muprespa, Mutua Colaboradora coa Seguridade Social, organizou  a súa  “II Semana da Prevención” no colexio Calasancio Divina Pastora de Almazán impartindo un taller de primeiros auxilios dirixido a profesores e alumnos da ESO, cunha participación de 75 alumnos.

Este ano, Fraternidad-Muprespa  reforza as súas ensinanzas en materia de prevención de riscos laborais no sector docente. O obxectivo é “levar a prevención á escola”, tanto a profesores como alumnos, a través da transmisión da prevención, charlas de primeiros auxilios e concursos de debuxos preventivos. A educación e formación son piares fundamentais á hora de integrar a cultura preventiva.

Se esta educación se inicia na escola por parte dos docentes e o alumnado, estaremos a sementar cultura preventiva para os futuros empresarios e traballadores deste país.  

O acto foi inaugurado pola directora pedagóxica do colexio Aurora Arroyo Barasoain e a directora provincial de Fraternidad-Muprespa en Soria, Carmen Rubio Valero.

Posteriormente, Amparo Ginés Gutiérrez DUE de Fraternidad-Muprespa en Soria, desenvolveu un interesante relatorio sobre primeiros auxilios e finalizou o acto cunha demostración práctica de reanimación cardiopulmonar  realizada en colaboración cos alumnos participantes no acto.