EXPOSICIÓN DE CARTEIS DE PREVENCIÓN DE RISCOS LABORAIS DO SÉCULO XX. AEROPORTO DE FORTEVENTURA
O pasado día 2 de novembro, a Mutua Colaboradora coa Seguridade Social, Fraternidad-Muprespa, inaugurou no aeroporto de Forteventura a exposición itinerante de sCarteis Españois de Prevención de Riscos Laborais do Século XX, cuxa temática está relacionada coa seguridade no traballo, a prevención e a saúde laboral.
A mostra tamén se puido visitar o pasado mes de setembro na sala de exposicións da terminal Interinsular (T2) do aeroporto de Lanzarote.
Os 50 carteis seleccionados forman parte da Colección VECA & MUGO, que empezou a formar no ano 1992 Carlos Velasco, e mantén na actualidade uns 7.000 carteis.
A inauguración desta exposición contou coa presenza do director de AENA Luis López Chapí, así como do director da delegación de Lanzarote, Pedro Figueras, e do director provincial das Palmas, Carlos Macho Mishal, ambos os dous de Fraternidad-Muprespa.
Os carteis estarán expostos ata o próximo 23 de novembro e estímase que serán visitados por máis de 300.000 pasaxeiros en tránsito por este aeroporto.
Posteriormente, a exposición continuará o seu carácter itinerante trasladándose ao aeroporto de Gran Canaria.
"A súa Mutua - Calidade e Servizo, 365 días ao ano"
