Un ano máis, Fraternidad-Muprespa, merecedora do distintivo como empresa comprometida coa Igualdade
O 9 de agosto, Natalia Fernández Laviada, subdirectora xeral de Prevención, Calidade e Comunicación de Fraternidad-Muprespa, recibiu de mans da alcaldesa de Xixón, Carmen Moriyón, por cuarto ano consecutivo, o distintivo como empresa comprometida coa igualdade, que premia a participación activa na política de promoción da igualdade de oportunidades entre mulleres e homes.
O Directorio de Empresas 2018 xa conta cun total de 70 empresas. Este ano incorporáronse 5 novas empresas que xa están a aplicar políticas de igualdade. Fraternidad-Muprespa forma parte das 65 restantes que renovaron o seu compromiso.
O alcance estimado deste proxecto e, polo tanto, os plans e medidas de Igualdade das 70 empresas e entidades desta VIII edición benefician unhas 9.298 persoas traballadoras que desempeñan a súa actividade laboral en centros de traballo de Xixón.
Durante o acto, tanto a alcaldesa coma os distintos axentes sociais que forman parte do programa Unidade de Xénero, CCOO, UXT e FADE destacaron os beneficios de desenvolver políticas de igualdade.
Ademais, Fraternidad-Muprespa foi destacada no ano 2018 como empresa excelente polas súas políticas de igualdade, ao ter sido premiada coa Marca Asturiana de Excelencia en Igualdade do Principado de Asturias.
