Mi Frater Paciente ® Aplicación para dispositivos móbiles

Fraternidad-Muprespa pon á disposición dos seus traballadores protexidos a app Mi Frater Paciente ®: unha aplicación multidispositivo que leva aos aparellos móbiles, tanto tabletas coma smartphones das principais plataformas (iOS e Android), funcionalidades moi interesantes para os nosos pacientes, entre outras:

• Consulta das asistencias médicas do paciente.
• Visualización de imaxes médicas de probas diagnósticas realizadas.
• Descarga de documentación dos procesos médicos do paciente: partes médicos, informes de probas diagnósticas, consentimentos informados etc.
• Envío Fraternidad-Muprespa de documentación relacionada co proceso médico do paciente (partes médicos, informes, xustificantes etc.).
• Consulta das próximas citas médicas do paciente nalgún dos nosos centros asistenciais.
• Caixa de correo persoal do usuario, a través da cal o paciente poderá consultar as mensaxes e documentación que dende Fraternidad-Muprespa lle facemos chegar (informes médicos, cuestionarios de solicitude de asistencia etc.)
• Buscador de centros de Fraternidad-Muprespa, que permite localizar o centro da nosa Mutua máis próximo ao paciente.
• Obtención do certificado de retencións e ingresos á conta do IRPF, así como a consulta da información económica das prestacións económicas percibidas.
• Contido audiovisual para a promoción da saúde personalizado en función da patoloxía do paciente: Guías de exercicios de mobilidade e obradoiros de saúde (mindfulness, manexo do estrés etc.).
• Obtención inmediata do xustificante de asistencia de todas as citas médicas realizadas en centros de Fraternidad-Muprespa.
• Confirmación da chegada á cita médica no centro asistencial usando Mi Frater Paciente nos nosos puntos de atención dixital.

Os nosos pacientes poden consultar coa súa tableta Apple iPad, coa súa tableta ou smartphone Android ou co seu teléfono Apple iPhone a relación dos procesos asistenciais que tiveron en Fraternidad-Muprespa, ademais de visualizar directamente no dispositivo as imaxes médicas das RX realizadas,  os informes cos resultados das analíticas de sangue, a medicación que foi prescrita polo servizo médico en cada consulta realizada e moita máis información relacionada coas asistencias médicas recibidas nos nosos centros.

A aplicación dispón dunha zona de acceso libre, na que está dispoñible a opción Rede de centros, que  pon á disposición dos nosos pacientes unha potente ferramenta para que poidan localizar a situación do centro asistencial de Fraternidad-Muprespa máis próximo.