CARTEL N.º 8 MALA POSTURA. BOA POSTURA (YIN/YAN) 1930

Na década dos 30, a pedagoxía laboral pasaba por comezar a informar e educar. Este cartel, que anticipaba o concepto de ergonomía, amósanos como unha mala postura ou transportar cargas de xeito indebido pode derivar en algo máis serio. Á dereita, pola contra, móstrase a forma correcta de coller o peso sen consecuencias negativas. A súa función didáctica, que foi moi utilizada neste tipo de carteis, reforza a idea do bo e o malo, a postura correcta leva cara á luz e a felicidade, e a incorrecta cara á escuridade e a dor.